Virts: «Arsenal» bilan o‘yindagi farq katta emasdi»
«Liverpul» yarim himoyachisi Florian Virts Londonning «Arsenal» klubiga qarshi uchrashuvdan (0:1) so‘ng o‘z fikrlari bilan o‘rtoqlashdi.
Yakshanba kuni «Enfild» stadionida bo‘lib o‘tgan bahs taqdirini 16-daqiqada Kay Haverts tomonidan kiritilgan yagona gol hal qildi.
«Menimcha, jamoalar o‘rtasidagi farq katta bo‘lmadi. Biz o‘yinning uzoq davom etgan qismlarida to‘p nazoratini o‘z qo‘limizda saqladik. Hatto bizning vaziyatlarimiz xavfliroq bo‘ldi, deb o‘ylayman.
Umuman olganda, ancha yaxshi o‘ynadik, ayniqsa birinchi bo‘limda. Bir-ikkita yaxshi imkoniyatimiz, shuningdek, bir nechta yarim vaziyatlarimiz ham bo‘ldi. Ammo hal qiluvchi pallada aniqlik yetishmadi», — deya Virtsning so‘zlarini keltiradi Anfield Sector.
«Liverpul» to‘qqizta turdan so‘ng 15 ochko jamg‘argan holda Premer-liga jadvalida beshinchi o‘rinni egallab turibdi. «Arsenal» esa 24 ochko bilan peshqadamlik qilmoqda.
