«Barselona» — «Aston Villa» uchrashuvini italiyalik hakam boshqaradi
VAR tizimi uchun germaniyalik hakam Bastian Dankert mas’ul bo‘ladi.
Futbol
Фото: Getty Images
Chempionlar ligasi
03.11.2026, 15.00
Barselona
-
Aston Villa
-
«Barselona» va «Aston Villa» o‘rtasidagi Chempionlar ligasi umumiy bosqichi uchrashuvida italiyalik Davide Massa bosh hakamlik qiladi. Bu haqda Sport nashri xabar berdi.
VAR tizimi uchun germaniyalik hakam Bastian Dankert mas’ul bo‘ladi. Massa Italiya chempionati — A Seriya bahslarini muntazam boshqarib keladi. U avval ham «Barselona» ishtirokidagi o‘yinda hakamlik qilgan. O‘shanda kataloniyaliklar «Ayntraxt»ni 2:1 hisobida mag‘lub etgan.
Dankert esa Chempionlar ligasining so‘nggi finalida, shuningdek, Argentina va Ispaniya terma jamoalari o‘rtasidagi Jahon chempionati finalida ishlagan.
«Barselona»ni sermazmun hafta kutmoqda. «Aston Villa»ga qarshi bahsdan keyin kataloniyaliklar Madridning «Atletiko» jamoasi bilan kuch sinashadi.
«Barselona» Chempionlar ligasi umumiy bosqichini ketma-ket ikki g‘alaba bilan boshlagan, keyin esa o‘z maydonida PSJga 2:4 hisobida mag‘lub bo‘lgan.
