«Liverpul» chap qanot himoyasi uchun yangi futbolchi izlamoqda
«Liverpul» chap qanot himoya chizig‘ini kuchaytirishni rejalashtirmoqda. Mersisaydliklar Milosh Kerkeshga munosib raqobatchi topishni istamoqda. Sababi, himoyachi o‘yinlarda doim ham barqaror harakat qila olmayotgani ta’kidlanmoqda.
Transfer News Live nashri El Nacional manbasiga tayanib xabar berishicha, «Liverpul» seleksiya bo‘limi bir qator futbolchilarni o‘z safiga qo‘shib olish imkoniyatini o‘rganmoqda.
Klubning qisqa ro‘yxatidan quyidagi futbolchilar o‘rin olgan: Lyuis Xoll («Nyukasl»); Federiko Dimarko («Inter»); Malik Diuf («Brentford»); Alvaro Karreras («Real» Madrid) va Maksimiliano Arauho («Sporting»).
Qayd etilishicha, sanab o‘tilgan futbolchilarning transferi bo‘yicha muzokaralar qishki transfer oynasidayoq boshlanishi mumkin.
Eslatib o‘tamiz, «Liverpul» to‘qqizta turdan keyin 15 ochko bilan Angliya Premyer-ligasi jadvalida beshinchi o‘rinda bormoqda. Andoni Iraola boshchiligidagi jamoa yakshanba kuni o‘z maydonida «Arsenal»ga 0:1 hisobida mag‘lub bo‘ldi.
