«Arsenal»ning Douman bo‘yicha apellyatsiyasi rad etildi
Angliya futbol assotsiatsiyasi (FA) «Arsenal» klubining yarim himoyachisi Maks Doumanga berilgan diskvalifikatsiya bo‘yicha apellyatsiyasini rad etdi.
16 yoshli futbolchi Angliya Liga kubogi doirasidagi «Flitvud Taun»ga qarshi o‘yinning so‘nggi daqiqalarida qizil kartochka olgan. Uchrashuvning asosiy vaqti 1:1 hisobida yakunlangan, penaltilar seriyasida esa «Arsenal» 3:5 hisobida mag‘lub bo‘lgan.
«Arsenal» ushbu qarorni haddan tashqari keskin deb hisoblab, apellyatsiya bergan edi.
Biroq mustaqil nazorat komissiyasi London klubining murojaatini qanoatlantirmadi. Natijada Douman Angliya Premer-ligasida «Liverpul», «Xall» va «Nyukasl»ga qarshi navbatdagi uchta uchrashuvni o‘tkazib yuboradi.
Joriy mavsumda yosh vinger «kanonirlar»ning asosiy jamoasi safida barcha musobaqalarda beshta o‘yinda ishtirok etib, ikkita gol urgan.
