Вирц: «Арсенал» билан ўйиндаги фарқ катта эмасди»
«Ливерпуль» ярим ҳимоячиси Флориан Вирц Лондоннинг «Арсенал» клубига қарши учрашувдан (0:1) сўнг ўз фикрлари билан ўртоқлашди.
Якшанба куни «Энфилд» стадионида бўлиб ўтган баҳс тақдирини 16-дақиқада Кай Хаверц томонидан киритилган ягона гол ҳал қилди.
«Менимча, жамоалар ўртасидаги фарқ катта бўлмади. Биз ўйиннинг узоқ давом этган қисмларида тўп назоратини ўз қўлимизда сақладик. Ҳатто бизнинг вазиятларимиз хавфлироқ бўлди, деб ўйлайман.
Умуман олганда, анча яхши ўйнадик, айниқса биринчи бўлимда. Бир-иккита яхши имкониятимиз, шунингдек, бир нечта ярим вазиятларимиз ҳам бўлди. Аммо ҳал қилувчи паллада аниқлик етишмади», — дея Вирцнинг сўзларини келтиради Anfield Sector.
«Ливерпуль» тўққизта турдан сўнг 15 очко жамғарган ҳолда Премьер-лига жадвалида бешинчи ўринни эгаллаб турибди. «Арсенал» эса 24 очко билан пешқадамлик қилмоқда.
