\"Prezident Olimpiadasi\": velosportning shosse yo'nalishi bo'yicha g'olib va sovrindorlar aniqlandi
"Prezident Olimpiadasi": velosportning shosse yo'nalishi bo'yicha g'olib va sovrindorlar aniqlandi.
Toshkent viloyati, Bo'stonliq tumanida "Prezident Olimpiadasi" dasturidan o'rin olgan veloshosse bo'yicha musobaqa o'tkazildi. Unda Respublikamizning barcha hududlaridan tashrif buyurgan 100 nafarga yaqin sportchilar o'z mahoratlarini sinovdan o'tkazishdi. Turnir davomida o'smir qizlar va o'smirlar o'rtasida 10 km masofaga jamoaviy "mikst" estafeta bellashuvlari bo'lib o'tdi.
Murosasiz va qizg'in tarzda kechgan bahslar yakuniga ko'ra g'olib va sovrindorlar aniqlandi:
1. Qoraqalpog'iston Respublikasi jamoasi
2. Toshkent viloyati jamoasi
3. Jizzax viloyati jamaosi
Mazkur musobaqalar yosh velosportchilarning tajribasini oshirish, iqtidorli yoshlarni saralash hamda kelgusida mamlakat terma jamoasi uchun munosib nomzodlarni aniqlashda muhim ahamiyat kasb etadi. Eslatib o'tamiz, "Prezident Olimpiadasi" doirasidagi velotrek musobaqalari 3-5 noyabr kunlari bo'lib o'tadi.
