«Барселона» — «Астон Вилла» учрашувини италиялик ҳакам бошқаради
VAR тизими учун германиялик ҳакам Бастиан Данкерт масъул бўлади.
Футбол
Фото: Getty Images
Чемпионлар лигаси
03.11.2026, 15.00
Барселона
-
Астон Вилла
-
«Барселона» ва «Астон Вилла» ўртасидаги Чемпионлар лигаси умумий босқичи учрашувида италиялик Давиде Масса бош ҳакам вазифасини бажаради. Бу ҳақда Sport нашри хабар берди.
VAR тизими учун германиялик ҳакам Бастиан Данкерт масъул бўлади. Масса Италия чемпионати — А Серия баҳсларини мунтазам бошқариб келади. У аввал ҳам «Барселона» иштирокидаги ўйинда ҳакамлик қилган. Ўшанда каталонияликлар «Айнтрахт»ни 2:1 ҳисобида мағлуб этган.
Данкерт эса Чемпионлар лигасининг сўнгги финалида, шунингдек, Аргентина ва Испания терма жамоалари ўртасидаги Жаҳон чемпионати финалида ишлаган.
«Барселона»ни сермазмун ҳафта кутмоқда. «Астон Вилла»га қарши баҳсдан кейин каталонияликлар Мадриднинг «Атлетико» жамоаси билан куч синашади.
«Барселона» Чемпионлар лигаси умумий босқичини кетма-кет икки ғалаба билан бошлаган, кейин эса ўз майдонида ПСЖга 2:4 ҳисобида мағлуб бўлган.
