Keyn: «Durang adolatli natija deb hisoblayman»
«Bavariya» hujumchisi Garri Keyn Chempionlar ligasi umumiy bosqichining 3-turidan o‘rin olgan «Arsenal»ga qarshi uchrashuv (2:2) haqida o‘z fikrlarini bildirdi.
Uchrashuvning 61-daqiqasida angliyalik hujumchi penaltini aniq amalga oshirdi.
«Menimcha, biz yaxshi o‘yin o‘tkazdik. Ayniqsa, ikkinchi bo‘lim boshida gol urib, yana bitta to‘p kiritish orqali uchrashuv taqdirini uzil-kesil hal qilish imkoniyatiga ega bo‘lganimizda.
O‘yinning oxirlariga kelib, past himoya chizig‘ida harakatlanishga majbur bo‘ldik. To‘pni o‘z yarim maydonimizdan olib chiqish biz uchun qiyin kechdi.
Umuman olganda, yanada samaraliroq harakat qilishimiz mumkin edi. Biroq durang adolatli natija bo‘ldi, deb hisoblayman. Bu ochkoni qabul qilamiz va oldinga harakatlanamiz», — dedi Keyn DAZN telekanaliga bergan intervyusida.
