Скоулз Холанднинг «Барселона»га ўтиши мумкинлиги ҳақида фикр билдирди
Англия терма жамоаси ва «Манчестер Юнайтед»нинг собиқ ярим ҳимоячиси Пол Скоулзнинг фикрича, агар «Манчестер Сити» Англия Премьер-лигасидан чиқариб юборилса, норвегиялик марказий ҳужумчи Эрлинг Холанд каталониялик «Барселона»га ўтиши мумкин.
«Агар “Сити” АПЛни тарк этса, менимча, Холанд “Барселона”га ўтади. У Мадриднинг “Реал” клубига мос футболчига ўхшайди. Мен уни шу жамоа либосида тасаввур қила оламан, аммо у катта эҳтимол билан “Барса”га йўл олади. Агар унинг отаси бу борада ҳали ҳеч қандай ишни бошламаган бўлса, ҳайрон қоламан», — дея Скоулзнинг сўзларини The Touchline нашри келтирмоқда.
Холанднинг «шаҳарликлар» билан шартномаси 2034 йилнинг июнь ойи охирига қадар амал қилади.
26 ёшли скандинавиялик ҳужумчининг трансфер қиймати 220 миллион евро этиб баҳоланмоқда.