Бальде ва Кунде «Барселона»ни тарк этиши мумкин
Алехандро Бальде ва Жюль Кунде қишки трансфер ойнасида «Барселона»ни тарк этиши мумкин.
Barca Universal нашри инсайдер Маттео Моретто маълумотларига таяниб хабар беришича, каталонияликлар ҳар икки ҳимоячи бўйича таклифларни кўриб чиқишга тайёр. Уларнинг январь ойида сотилиши эҳтимоли юқори.
Бальде ва Кунде жорий мавсумда Ҳанс-Дитер Флик жамоасининг асосий таркибидаги ўринларини йўқотишди. Ҳар икки футболчининг фаолиятини Англияда давом эттириши мумкинлиги ҳақида хабарлар тарқалган. Уларни АПЛнинг бир қатор грандлари ўз сафига қўшиб олишни истамоқда.
Transfermarkt портали 23 ёшли испаниялик Бальденинг бозор қийматини 40 миллион евро деб баҳоламоқда. 28 ёшли франциялик Кунденинг трансфер қиймати эса 55 миллион еврони ташкил этади.