«Манчестер Сити» Моуриньонинг рекордини янгилай олмади
«Манчестер Сити» Моуриньонинг рекордини янгилай олмади
2005/2006-йилги мавсумда Жозе «Челси» клуби билан чемпионатни кетма-кет 9 та ғалаба билан бошлаган ва бу ҳали-ҳамон Англия Премьер-лигасидаги энг яхши старт сифатида сақланиб келмоқда.
Англия Премьер-лигасининг саккизинчи турида «Манчестер Сити» меҳмонда Бирмингемнинг «Астон Вилла» жамоасига 1:2 ҳисобида имкониятни бой берди.
Шу тариқа, «шаҳарликлар»нинг ғалабали серияси 7 та ўйинда тўхтаб қолди — бу эса, ўз навбатида, Жозе Моуриньонинг рекорди ҳали-ҳамон янгиланмай қолаётганини англатади. 2005/2006-йилги мавсумда мутахассис Лондоннинг «Челси» клуби билан чемпионат стартларида кетма-кет 9 та ғалабани нишонлаган ва бу ҳали-ҳамон Англия Премьер-лигасидаги энг яхши старт сифатида сақланиб келмоқда.
Эслатиб ўтамиз, Моуриньо бугунги кунда Испанияда фаолиятини давом эттирмоқда. Унинг бошчилигидаги Мадриднинг «Реал» жамоаси бугун тунда Каталониянинг «Барселона» клубига қарши майдонга тушади.
