Фернандеш «Челси»га қарши ўйин олдидан жамоадошларини йиғди
«Манчестер Юнайтед» ярим ҳимоячиси ва жамоа сардори Бруну Фернандеш Англия чемпионатининг 9-туридан ўрин олган «Челси»га қарши учрашув олдидан жамоа футболчилари учун алоҳида йиғилиш ўтказди. Бу ҳақда indykaila News нашри ўзининг X ижтимоий тармоғида хабар берди.
Маълумотларга кўра, йиғилиш ўйин куни эрталаб жамоа меҳмонхонасида бўлиб ўтган.
«Қизил иблислар»нинг «аристократлар»га қарши баҳси Лондон шаҳридаги «Стэмфорд Бриж» стадионида бўлиб ўтади.
Англия чемпионатининг 8 туридан кейин Майкл Кэррик шогирдлари 7 очко жамғарган ҳолда турнир жадвалининг 16-поғонасини эгаллаб турибди. Жамоа айни пайтда хавфли зонадан атиги бир очко олдинда.
«Манчестер Юнайтед» сўнгги бор 30 август куни Англия чемпионатининг 2-турида «Ипсвич Таун»ни 5:2 ҳисобида мағлуб этган эди.
