«Реал» Энцо Фернандес учун курашга қўшилиши мумкин
«Реал» клуби яна бир бор «Манчестер Сити» ярим ҳимоячиси Энцо Фернандесга қизиқиш билдираётгани ҳақида хабарлар тарқалди.
«Қироллик клуби» аргентиналик футболчи ҳали «Челси» сафида тўп сураётган пайтлардаёқ уни ўз сафига қўшиб олиш учун асосий даъвогарлардан бири сифатида тилга олинганди. Ўтган ёзда ярим ҳимоячи «шаҳарликлар» сафига кўчиб ўтди, бироқ энди трансферга оид миш-мишлар яна қайта авж олди.
Журналист Экрем Конурнинг маълум қилишича, «Реал» келаси йилнинг ёзги трансфер ойнасида Фернандесни харид қилиш имкониятини кўриб чиқмоқда. Мадрид гранди 25 ёшли футболчининг ҳаракатларини диққат билан кузатиб бормоқда.
Шу билан бирга, аргентиналик футболчи учун курашга «Барселона» ва «Атлетико» ҳам қўшилиши мумкин.
Энцо Фернандеснинг «Манчестер Сити» билан шартномаси 2031 йилга қадар амал қилади. Transfermarkt портали унинг трансфер қийматини 120 миллион евро деб баҳоламоқда.
