Рафинья такрорланмас натижа қайд этди
«Барселона» ҳужумчиси Рафинья Диас жорий мавсумда Испания чемпионатида ажойиб ўйин намойиш этмоқда.
Шанба куни каталонияликлар сардори «Алавес»га қарши баҳсда дубль қайд этди. Учрашувда «Барселона» 6:1 ҳисобида ғалаба қозонди.
Stats Foot маълумотларига кўра, бразилиялик футболчи сўнгги 50 йил ичида Ла Лиганинг дастлабки 11 туридан кейин 15 та гол уришга эришган «Барселона»нинг Лионель Мессидан кейинги иккинчи футболчисига айланди. Аргентиналик афсона бу натижани 2012/13 йилги мавсумда қайд этган.
Қайд этиш жоизки, мазкур кўрсаткич бўйича Рафинья ва Месси бир хил натижа — 15 тадан гол муаллифи бўлишган. Чемпионатнинг замонавий рекорди эса Криштиану Роналдуга тегишли. Португалиялик юлдуз 2014/15 йилги мавсумда «Реал» сафида дастлабки 11 турдан кейин рақиблар дарвозасига 18 та гол урган.
