Мбаппенинг «Барселона» урган голлари сони 14 тага етди

Испания Ла Лигаси

25.10.2026, Як.

Барселона

1

Реал Мадрид

2

Килиан Мбаппе «Барселона»га қарши ўйинлардаги самарадорлигини янада оширди. Якшанба куни «Реал» ҳужумчиси каталонияликлар дарвозасига иккита гол урди ва жамоасига «Эл-Класико»да 2:1 ҳисобидаги ғалабани тақдим этди.

Шу тариқа, франциялик футболчининг фаолияти давомида «Барселона»га қарши ўтказган 11 та учрашувидаги голлари сони 14 тага етди. Мбаппе фақат «Монпелье» дарвозасига бундан ҳам кўпроқ гол киритган — 15 та ўйинда 15 та гол.

Эслатиб ўтамиз, юлдуз ҳужумчи 2024 йилнинг ёзида Парижнинг «ПСЖ» клубидан «Реал»га кўчиб ўтган. У профессионал фаолиятини «Монако»да бошлаган.

Испания Ла Лигасининг 10-туридан кейин «Реал» Мадрид 24 очко билан турнир жадвалида учинчи ўринни эгаллаб турибди. Жамоа «Атлетико» (25 очко) ва «Барселона»дан (27 очко) ортда қолмоқда.

Розикжон Султонмуродов

Журналист

0 0 0 0 0 0