Шота Арвеладзе «Сўғдиёна» бош мураббийига айланиши мумкин
Мураббийнинг Жиззах клубини бошқариши эҳтимоли муҳокама қилинмоқда.
Футбол
Фото: Getty Images
Грузиялик таниқли мутахассис Шота Арвеладзе яна Ўзбекистон футболига қайтиши мумкин.
Собиқ футболчи ва мураббийнинг Жиззахнинг «Сўғдиёна» клубини бошқариши эҳтимоли муҳокама қилинмоқда.
Арвеладзе учун Ўзбекистон футболи бегона эмас. У 2017–2020 йилларда Тошкентнинг «Пахтакор» клубида бош мураббий сифатида фаолият юритган ва жамоа билан бир қатор совринларни қўлга киритган.
2022 йилда у Англиянинг «Халл Сити» клубини бошқарди. Кейинчалик Туркияга қайтиб, «Фотиҳ Карагюмрюк» ва яна «Қосимпошо»да ишлади.
Жиззах клубида 2026 йилнинг март ойида мураббийлар штабида ўзгариш юз берган. Иван Бошкович билан шартнома бекор қилиниб, унинг ўрнига Улуғбек Бақоев тайинланган эди. Бақоев клуб билан йил охиригача шартнома имзолагани ҳақида хабар берилган.
