Ла Лигада октябр ойининг яхши футболчиси учун номзодлар эълон қилинди
Ла Лига матбуот хизмати октябрь ойида чемпионатнинг энг яхши футболчиси бўлишга даъвогарларни эълон қилди.
Ушбу соврин учун «Реал» ҳужумчиси Килиан Мбаппе, «Барселона» вингери Ламин Ямал, «Атлетико» ҳимоячиси Алехандро Гримальдо, «Реал Сосьедад» вингери Гонсалу Гедеш ҳамда «Эльче» дарвозабони Матиас Дитуро кураш олиб боради.
Октябрь ойида Мбаппе Ла Лига доирасидаги учта учрашувда тўртта гол урди. Ямал эса учта ўйинда битта гол ва иккита голли узатма муаллифи бўлди.
Гримальдо учта учрашувда битта гол уриб, битта голли узатмани амалга оширди. Гедеш эса учта ўйинда иккита гол ва битта голли узатма билан ажралиб турди. Дитуро октябрь ойидаги учта учрашувда ўз дарвозаси дахлсизлигини сақлаб қолди.
Эслатиб ўтамиз, сентябрь ойида Ла Лиганинг энг яхши футболчиси деб «Барселона» вингери Рафинья топилган эди.
