Португалия миллий жамоасининг янги сардори кимлиги маълум бўлди

Португалия миллий жамоасининг янги сардори яримҳимоячи Бернарду Силва бўлади. Бу ҳақда Notícias ao Minuto нашри хабар берди.

Манбага кўра, Криштиану Роналду миллий жамоадаги фаолиятини якунлаганидан сўнг 32 ёшли Силва Португалиянинг янги сардорига айланди. У миллий жамоа сафида 115 та учрашувда майдонга тушган. Сардорлар рўйхатида ундан кейин Бруну Фернандеш (97 та ўйин) ва Рубен Диаш (84 та ўйин) турибди.

Сардорлар сафидаги навбатдаги футболчи эса ҳимоячи Жоау Канселу бўлиб, у Португалия миллий жамоаси либосида 77 та учрашувда иштирок этган.

Маълумот учун, Роналду Португалия либосида 234 та учрашув ўтказиб, 146 та гол урган. Бу миллий жамоалар сафида урилган голлар бўйича жаҳон рекорди ҳисобланади.

Иброҳим Жалолов

Редактор

0 0 0 0 0 0