Аморим Роналдунинг терма жамоадаги фаолияти якунлангани ҳақида фикр билдирди
Унинг мамлакат учун таъсири ҳақида ҳам айтди.
Футбол
Фото: Getty Images
Криштиану Роналду Португалия миллий терма жамоасидаги фаолиятини якунлашга қарор қилгани ҳақида эълон қилди. Ушбу қарор юзасидан «Милан» бош мураббийи Рубен Аморим ҳам ўз муносабатини билдирди.
«Бу терма жамоадаги фаолиятни якунлашнинг энг яхши усули бўлмади. Унинг мамлакатимиз учун қилган ишлари барчага маълум. Криштиану Роналдуни бутун дунё танийди, кўпчилик Португалия ҳақида ҳам айнан у орқали билиб олган. У футбол майдонидан ташқарида ҳам мамлакатимизга фойда келтиришда давом этиши мумкин», — дея Аморимнинг сўзларини келтирмоқда Pianeta Milan нашри.
Эслатиб ўтамиз, Криштиану Роналду фаолияти давомида Италия чемпионатида ҳам тўп сурган. Бироқ у «Милан» эмас, балки Туриннинг «Ювентус» клуби шарафини ҳимоя қилган.
