Рамуш: «Португалия терма жамоасининг асосий таркибида ўйнашга ҳақлиман»
«Милан»нинг португалиялик ҳужумчиси Гонсалу Рамуш миллий терма жамоанинг асосий таркибидан жой олишга муносиб эканини таъкидлади.
Шунингдек, у терма жамоа сардори Криштиану Роналду билан ҳужум чизиғида самарали ҳаракат қила олишига ишонч билдирди.
«Португалия терма жамоасининг асосий таркибида майдонга тушишни хоҳлайман. Мен ўз позициямни аниқ билдирдим: агар кимдир ўйинни биринчи дақиқалардан бошлашга муносиб бўлса, бу менман. Бош мураббий ҳам, бутун мамлакат ҳам буни яхши кўриб турибди.
Биз Криштианунинг юксак мақомини чексиз ҳурмат қиламиз. Аммо ишончим комилки, биз биргаликда майдонга анча кўпроқ тушишимиз мумкин эди. Яхши спорт формам ва урган голларим Криштиануни таркибдан чиқариш заруратисиз ҳам менга кўпроқ ишонч билдирилиши учун асос бўла оларди.
Роберто Мартинесдан ҳеч қандай хафагарчилигим йўқ. Аммо амалда Евро-2024ни ўтказиб юбордим. Ўшанда Грузияга қарши ҳеч қандай аҳамиятга эга бўлмаган учрашувда атиги 15 дақиқа ўйнадим.
2026 йилги жаҳон чемпионатида Хорватия дарвозасига гол урдим, аммо шундан кейин деярли майдонга тушмадим. Ваҳоланки, жамоага катта фойда келтира олишимни яхши биламан. Қайтариб бўлмайдиган икки йирик мусобақани бой бердим», — дея Рамушнинг сўзларини келтирмоқда A Bola нашри.
