Верон Аргентинанинг энг кучли клубини айтди

«Эстудиантес» президенти Хуан Себастьян Верон Аргентина футболидаги энг кучли жамоа сифатида «Бока Хуниорс»ни эътироф этди.

Бу борада ўз фикрини билдирган собиқ футболчи Буэнос-Айрес клубининг барқарорлиги ва доимий юқори савияда ўйин кўрсата олишини алоҳида таъкидлади.

«Менинг фикримча, барқарорлиги ва доимийлиги туфайли «Бока Хуниорс» Аргентинадаги энг яхши жамоа ҳисобланади», — дея Вероннинг сўзларини келтирмоқда DerbyDerbyDerby нашри.

Қайд этиш жоиз, «Бока Хуниорс» Верон раҳбарлик қилаётган «Эстудиантес»нинг тарихий рақибларидан бири ҳисобланади. Верон футболчилик фаолияти давомида «Манчестер Юнайтед», «Интер» ва «Лацио» каби машҳур клубларда тўп сурган. У 2017 йилда профессионал фаолиятини якунлаган.

Розикжон Султонмуродов

Журналист

0 0 0 0 0 0