Артета: «Ливерпуль»га қарши бундай ўйин кўрсатиш — ақл бовар қилмас натижа»
«Арсенал» клуби бош мураббийи Микель Артета АПЛнинг сўнгги турида «Ливерпуль» жамоаси дарвоза томон бирорта ҳам аниқ зарба бера олмаганига муносабат билдирди.
Тўққизинчи тур доирасида бўлиб ўтган учрашувда «канонирлар» сафарда 1:0 ҳисобида ғалаба қозонган эди.
«Бу статистикадан хабарим йўқ эди, аммо бу ақл бовар қилмас натижа. Ростини айтсам, ўйин давомида буни сезмадим, чунки уларда баъзи вазиятларда зарба бериш имконияти бўлди. Биз эса зарбаларни яхши тўсдик ва эҳтимолий хавфларнинг олдини олдик. «Ливерпуль»га қарши бундай ўйин кўрсатиш — ҳақиқатан ҳам ажойиб натижа», — дея Артетанинг сўзларини Arsenal Radar нашри келтиради.
Ушбу ғалабадан сўнг «Арсенал» Англия Премьер-лигаси турнир жадвалида пешқадам. «Канонирлар» тўққизта учрашувдан кейин 24 очко жамғарган.
Кейинги турда Лондон клуби ўз майдонида «Халл Сити»ни қабул қилади. Учрашув 7 ноябрь куни бўлиб ўтади.
