«Manchester Yunayted» rahbariyati jamoaning kuchli beshlikka kirishiga ishonmoqda

«Manchester Yunayted» rahbariyati jamoaning Angliya Premyer-ligasidagi hozirgi holatiga qaramay, mavsum yakunida yuqori o‘rinlardan birini egallashiga umid qilmoqda. Bu haqda The Touchline xabar berdi.

Manbaga ko‘ra, klub rahbarlari «qizil iblislar» chempionat yakunida kuchli beshlikdan joy olishga qodir deb hisoblamoqda.

APLning 10-turidan so‘ng «Manchester Yunayted» hisobida atigi sakkiz ochko mavjud. Maykl Kerrik shogirdlari turnir jadvalida 18-o‘rinni egallab, quyi ligaga tushib ketish zonasida bormoqda.

Manchesterliklar beshinchi o‘rindagi Londonning «Chelsi» klubidan sakkiz ochkoga ortda qolmoqda.

«Manchester Yunayted» navbatdagi uchrashuvini safarda «Liverpul»ga qarshi o‘tkazadi.

Roziqjon Sultonmurodov

Jurnalist

0 0 0 0 0 0