Роберто Манчини: «Бельгия биздан кучлироқ эди ва ғалабага ҳақли равишда эришди»
Италия миллий жамоаси бош мураббийи Роберто Манчини Миллатлар лигаси доирасида Бельгияга қарши кечган ва 1:4 ҳисобидаги мағлубият билан якунланган учрашувдан сўнг ўз фикрларини билдирди.
«Ўйлашимча, жисмоний жиҳатдан бироз қийналдик. Францияга қарши ўйиннинг таъсири сезилди, чарчоқ бор эди. Бироқ рақиб ҳам биздан кучлироқ эди ва ғалабага ҳақли равишда эришди.
Албатта, бу ёқимсиз ҳолат. Майдонга тушганингда доимо ғалаба қозонишни истайсан. Афсуски, футболда бундай ўйинлар ҳам бўлиб туради. Айниқса, Бельгия каби кучли жамоаларга қарши баҳсларда шундай вазиятлар юз бериши мумкин.
Учрашувни яхши бошладик ва ўзимиз истаган футболни намойиш этишга ҳаракат қилдик. Бироқ кўп ўтмай, жавоб голини ўтказиб юбордик ва бундан кейин ўзимизни тиклай олмадик.
Баъзан рақиб сендан яхшироқ ўйнайди», — деди Манчини Sky Sport Italia телеканалига берган интервьюсида.
Маълумот учун, Италия миллий жамоаси гуруҳ босқичини 10 очко билан учинчи ўринда якунлади ва плей-офф босқичига чиқиш имкониятидан маҳрум бўлди.