Morgan: «Ronaldu yana 2-3 yil «MYU»da o‘ynab, ko‘plab gollar urishi mumkin edi»
Телебошловчи португалиялик футболчининг Эрик тен Хаг билан муносабатлари ва унинг Манчестер клубидан кетиши ҳақида гапирди.
Футбол
photo: gettyimages
Телебошловчи Пирс Морган «Манчестер Юнайтед»нинг собиқ бош мураббийи Эрик тен Хагнинг Криштиану Роналду ҳақидаги фикрларига муносабат билдирди. Нидерландиялик мутахассис португалиялик ҳужумчи сўнгги 7-8 йил давомида аввалги даражасида ўйнай олмаганини айтганди.
Морган эса тен Хагнинг бу гапларини ҳасад билан боғлади ва Роналду «Ювентус» ҳамда «Реал»дан кетганидан кейин ҳам юқори натижалар қайд этганини таъкидлади.
«Роналду «Реал»дан кетганидан кейин 330 дан ортиқ гол урди. У «Ювентус»да ҳам жуда муваффақиятли ўйнади, бир нечта чемпионликни қўлга киритди. Менимча, тен Хаг Роналду ҳам уни танқид қилгани учун ҳасадга тўла гапларни айтди.
