Кейн: «Симеоненинг мақтовини эшитиш — мен учун катта шараф»
«Бавария» ҳужумчиси Харри Кейн Чемпионлар лигаси 4-тури олдидан «Атлетико» бош мураббийи Диего Симеоненинг ўзи ҳақидаги илиқ фикрларига муносабат билдирди.
Аргентиналик мутахассис англиялик футболчини бошқаларга ўрнак бўладиган ва «Олтин тўп» мукофотига муносиб футболчи сифатида таърифлаган. Кейн эса бундай эътирофни юқори баҳолашини таъкидлади.
«У замонавий футболнинг энг яхши мураббийларидан бири. Ундан бундай мақтовни эшитиш мен учун катта шараф. «Олтин тўп»ни қўлга киритганимдан кейин бунга муносабат жуда ёрқин бўлди. Менинг йўлим, эҳтимол, ушбу мукофотни олган бошқа футболчиларникидан фарқ қилгандир. Фаолиятим давомида жуда оғир паллалар ҳам бўлган.
Аммо мақсадга интилиш ва тинмай меҳнат қилиш туфайли бугунги даражамга эришдим. Симеоне мени ҳам, бутун жамоамизни ҳам тўхтатиш учун бор имкониятини ишга солади. Бизни оғир беллашув кутмоқда. Шунга қарамай, унинг илиқ сўзларини жуда қадрлайман», — дея Кейннинг сўзларини келтиради AS.
Маълумот учун, «Атлетико» ва «Бавария» Чемпионлар лигаси умумий босқичининг 4-тури доирасида 3 ноябрь куни Мадридда ўзаро баҳс олиб боради.
Эслатиб ўтамиз, баҳс Тошкент вақти билан 4 ноябрга ўтар кечаси соат 01:00 да бошланади.
