Роналду — тарихдаги энг яхши «Олтин тўп» соҳиби
«Ан Наср» ҳужумчиси Криштиану Роналду «Барча даврларнинг энг яхши «Олтин тўп» соҳиби» рейтингида ғолиб деб топилди. Бу ҳақда мукофотнинг расмий сайтида хабар берилди.
Рейтингда португалиялик 41 ёшли футболчининг 2008 йилда қўлга киритган «Олтин тўп» мукофоти биринчи ўринни эгаллади. Ушбу натижа орқали Роналду «Барселона» вакили Лионель Месси ҳамда «Ливерпуль» собиқ ҳужумчиси Фернандо Торресни ортда қолдирди.
Мазкур номинацияда «Олтин тўп»ни бир неча бор қўлга киритган футболчилар иштирок этди. Улар орасида қуйидагилар бор:
Лионель Месси — 8 марта;
Криштиану Роналду — 5 марта;
Йохан Кройф — 3 марта;
Мишель Платини — 3 марта;
Марко ван Бастен — 3 марта;
Альфредо Ди Стефано — 2 марта;
Франц Беккенбауэр — 2 марта;
Кевин Киган — 2 марта;
Карл-Хайнц Румменигге — 2 марта;
Роналдо — 2 марта.
Аввалроқ ташкилотчилар ғолибни аниқлашда асосий мезон футболчининг фаолияти давомида жами нечта «Олтин тўп»ни қўлга киритгани эмас, балки нуфузли мукофотга сазовор бўлган муайян мавсумда қандай фавқулодда натижалар кўрсатгани эканини таъкидлашган.
Ғолиб глобал онлайн овоз бериш жараёнида мухлислар томонидан аниқланган. Овоз бериш пуллик бўлиб, битта овознинг нархи 1 еврони ташкил этган.
