«Манчестер Юнайтед» Фермин Лопес бўйича сўров юборди

«Манчестер Юнайтед» яқин келажакда «Барселона» футболчисини ўз сафига қўшиб олиши мумкин. The Touchline нашри журналист Маттео Мореттога таяниб хабар беришича, «қизил иблислар» каталонияликларнинг ҳужумкор ярим ҳимоячиси Фермин Лопес бўйича сўров юборган.

Маълум қилинишича, Англия Премьер-лигаси гранди айни пайтда Лопес ҳақида маълумот тўпламоқда ва унинг трансфери учун эҳтимолий шартларни ўрганмоқда.

23 ёшли Фермин Лопеснинг бозор қиймати нуфузли Transfermarkt портали томонидан 110 миллион евро деб баҳоланмоқда. Ярим ҳимоячи жорий мавсумда 12 та учрашувда майдонга тушиб, 5 та гол ва 4 та голли узатмани ўз ҳисобига ёзиб қўйган.

Розикжон Султонмуродов

Журналист

0 0 0 0 0 0