«МЮ» Калверт-Льюинни сотиб олиши мумкин

«Манчестер Юнайтед» қишки трансферлар ойнасида «Лидс Юнайтед» ҳужумчиси Доминик Калверт-Льюинни ўз сафига қўшиб олиш имкониятини кўриб чиқмоқда. Бу ҳақда The Athletic нашри хабар берди.

Манба маълумотларига кўра, «Лидс» 29 ёшли ҳужумчини жамоада сақлаб қолмоқчи. Шу боис клуб унга янги шартнома таклиф қилиши мумкин.

Англиялик футболчи 2025 йилнинг ёзидан буён «Лидс Юнайтед» сафида тўп сурмоқда. Жорий мавсумда Калверт-Льюин барча мусобақалар доирасида 10 та учрашувда иштирок этиб, 5 та гол урди.

Унинг клуб билан амалдаги шартномаси 2028 йилнинг ёзига қадар мўлжалланган. Transfermarkt портали маълумотларига кўра, футболчининг бозор қиймати 25 миллион еврони ташкил этмоқда.

Розикжон Султонмуродов

Журналист

0 0 0 0 0 0