АПЛ. Ҳусанов тўлиқ ўйнаган учрашувда «Манчестер Сити» «Астон Вилла»га мағлуб бўлди
Англия Премьер Лигасининг 8-туридан ўрин олган баҳсда “Астон Вилла” ўз майдонида “Манчестер Сити”ни қабул қилди. “Вилла Парк” стадионида ўтган учрашувда бирмингемликлар 2:1 ҳисобида ғалаба қозонди.
Ўйиннинг 6-дақиқасидаёқ Жон Макгинннинг узатмасидан сўнг Николас Жексон ҳисобни очди. Биринчи бўлим шу ҳисобда якунига етди. Иккинчи бўлимда “Манчестер Сити” ҳисобни тенглаштиришга муваффақ бўлди. 52-дақиқада Эрлинг Ҳоланд томонидан киритилган гол эвазига таблодаги натижа 1:1 кўринишига келди.
Бироқ 60-дақиқада Николас Жексон ўзининг иккинчи голини киритиб, мезбонларнинг устунлигини таъминлади. Ўзбекистон терма жамоаси ҳимоячиси Абдуқодир Ҳусанов ушбу баҳсда “Манчестер Сити”нинг асосий таркибида майдонга тушиб, учрашувни тўлиқ ўтказди.
Англия Премьер Лигаси, 8-тур
“Астон Вилла” — “Манчестер Сити” 2:1
Голлар: 1:0 — Николас Жексон (6), 1:1 — Эрлинг Ҳоланд (52), 2:1 — Николас Жексон (60).
