Panichelliga ko‘plab jamoalar qiziqish bildirmoqda
Transfermarkt ekspertlari Joaquin Panichellining narxini 12 mln yevroga baholamoqda.
ФОТО: Getty images
Jurnalist Ekrem Konurning xabariga ko‘ra, "Strasburg" hujumchisi Joaquin Panichelli Yevropaning nufuzli klublari qiziqish doirasiga tushib qoldi.
Manbada aytilishicha, 23 yoshli futbolchiga “Milan” va “Chelsi” jamoalari jiddiy tarzda qiziqmoqda.
Argentinalik forvard joriy mavsumni yaxshi boshladi va Liga 1ning 8 o‘yinida 7 marta raqib darvozasini ishg‘ol qildi.
Shuningdek, hujumchiga "RB Leyptsig", "Sevilya" va "Benfika" klublari da’vogarlik qilmoqda. Futbolchining transferi yanvar oyida ochiladigan qishki transfer oynasidayoq amalga oshishi mumkin. Transfermarkt ekspertlari Joaquin Panichellining narxini 12 mln yevroga baholamoqda.
Roziqjon Sultonmurodov
Jurnalist
