Винисиус Чемпионлар лигасидаги салбий кўрсаткични қайд этди
Мадриднинг «Реал» клуби вингери Винисиус Жуниорнинг ўйинлари мухлислар ва мутахассисларнинг эътирозларига сабаб бўлмоқда.
Бразилиялик футболчи август ойидан буён гол ура олмаяпти. Шунингдек, у ўзининг одатий ёрқин ўйинини ҳам намойиш эта олмаяпти.
Madrid Zone нашрининг таъкидлашича, 26 ёшли футболчи Чемпионлар лигасидаги сўнгги учта учрашувда бирорта ҳам муваффақиятли дриблинг амалга ошира олмаган. Бу унинг «Реал» сафидаги фаолияти давомидаги энг ёмон кўрсаткич ҳисобланади.
Винисиус Жуниор 2018 йилда Бразилиянинг «Фламенго» клубидан «Реал»га кўчиб ўтганди. Ўтган ёзда юлдуз футболчи мадридликлар билан 2032 йилнинг ёзига қадар мўлжалланган янги шартнома имзолади.
Чоршанба куни АЕКка қарши баҳсда Винисиус 82 дақиқа майдонда ҳаракат қилди, аммо натижали ҳаракатлари билан ажралиб турмади.
