Расман: Почеттино – «МЮ» бош мураббийи
Маурисио Почеттино «Манчестер Юнайтед»нинг янги бош мураббийи этиб тайинланди.
54 ёшли аргентиналик мутахассис пайшанба куни лавозимидан озод этилган Майкл Каррикнинг ўрнини эгаллади. Почеттино билан 2029 йилга қадар амал қиладиган шартнома имзоланди.
Аргентиналик мураббий бунга қадар АҚШ миллий терма жамоасини бошқариб келаётган эди. Унинг мураббийлик фаолияти давомида Англиянинг «Челси», «Тоттенҳэм» ва «Саутгемптон», Франциянинг «Пари Сен-Жермен» ҳамда Испаниянинг «Эспаньол» клубларида ишлагани ҳам эътиборга молик.
Почеттино «Манчестер Юнайтед»ни мураккаб вазиятда қабул қилиб олмоқда. «Қизил иблислар» Англия Премьер-лигасининг дастлабки 10 та турида бор-йўғи 8 очко жамғариб, турнир жадвалида 18-ўринни эгаллаб турибди.
Энди аргентиналик мутахассис олдида турган асосий вазифалардан бири жамоанинг натижаларини яхшилаш ва уни хавфли ҳудуддан олиб чиқиш бўлади.
