WTA Finals: Ярим финалчилар аниқланмоқда
Америка Қўшма Штатларининг Индиан-Уэллс шаҳрида профессионал теннисчи аёллар ўртасидаги йилнинг якуний мусобақаси — WTA Finals турнири давом этмоқда.
Кеча 1-гуруҳда 3-тур учрашувлари бўлиб ўтди ва ушбу гуруҳдан ярим финалга йўл олган теннисчилар номи аниқланди.
Жессика Пегула гуруҳ ғолиблигини муддатидан аввал нақд қилган чехиялик ракетка устаси Линда Носковани уч сетда мағлубиятга учратди – 76 (2) 46 75. Натижада ҳар икки теннисчи мусобақанинг плей-офф босқичида курашни давом эттирадиган бўлди.
Гуруҳнинг яна бир учрашувида эса америкалик Коко Гауфф украиналик Марта Костюкдан устун келди – 62 64.
2-гуруҳда ҳал қилувчи баҳслар олдинда
Бугун тунда 2-гуруҳнинг 3-тур учрашувлари бўлиб ўтади. Ҳозирча россиялик Мирра Андреева дастлабки икки учрашувида ғалаба қозониб, муддатидан аввал ярим финал йўлланмасини қўлга киритди.
Иккинчи йўлланма учун эса гуруҳдаги қолган уч нафар теннисчининг барчасида имконият сақланиб қолмоқда.
