Соҳил футболи. Ўзбекистон миллий жамоасининг Осиё кубоги учун таркиби маълум бўлди
Соҳил футболи бўйича Ўзбекистон миллий терма жамоаси душанба куни эрта тонгда Таиландга йўл олади. Терма жамоамиз у ерда ўз тарихида 12-бор ташкил этилаётган соҳил футболи бўйича Осиё кубоги баҳсларида иштирок этади.
Ўзбекистон футзал федерацияси қитъа биринчилигига йўл оладиган миллий терма жамоа таркибини тасдиқлади. Унга кўра, Осиё кубогида 12 нафар футболчи юртимиз шаънини ҳимоя қилади. Уларнинг икки нафари дарвозабон, 10 нафари эса майдон ўйинчиларидир.
Таиландга йўл оладиган Ўзбекистон миллий терма жамоаси таркиби:
Дарвозабонлар:
Равшан Элибоев, Акмалжон Ҳазратқулов.
Майдон ўйинчилари:
Фарҳод Қодиров, Дилмурод Шавкатов, Мамашариф Ҳалимов, Боймуҳаммад Рўзимуродов, Ҳусанхон Ғаниев, Илиёс Маллаев, Амал Увраимов, Қувончбек Жаҳонов, Фарҳод Абдумавлонов, Сарвар Шоаҳмедов.
Бош мураббий: Аҳаджон Юсупов.
