«Манчестер Юнайтед» Майкл Кэррикни истеъфога чиқаришга қарор қилди

«Манчестер Юнайтед» клуби биринчи жамоа бош мураббийи лавозимида ишлаб келаётган Майкл Кэррикни истеъфога чиқаришга қарор қилди.

«Қизил иблислар» Англия Премьер-лигаси жадвалида 18-ўринни эгаллаб турибди. Жамоа жорий мавсумдаги дастлабки 10 та учрашувда атиги бир марта ғалаба қозонган.

Аввалроқ манкунианликлар клуби бош мураббийлик лавозимига Маурисио Почеттинони тайинлашга тайёрланаётгани ҳақида хабарлар тарқалган эди.

Айни пайтда аргентиналик мутахассис АҚШ миллий терма жамоасини бошқармоқда. У аввалроқ Англиянинг «Саутгемптон», «Тоттенхэм» ва «Челси» клубларида фаолият юритган.

Розикжон Султонмуродов

Журналист

0 0 0 1 0 0