Майк Баррелл Ўзбекистон теннис федерацияси раиси билан учрашди
Майк Баррелл Ўзбекистон теннис федерацияси раиси Батыр Рахимов билан учрашди. Суҳбат давомида болалар ва ўсмирлар теннисини ривожлантириш, ёш теннисчиларни тайёрлаш ҳамда мураббийлар малакасини ошириш масалалари муҳокама қилинди.
Учрашувда халқаро тажриба алмашиш, ҳамкорликнинг устувор йўналишларини белгилаш ва уларни амалга ошириш бўйича дастлабки қадамлар юзасидан фикр алмашилди.
Шунингдек халқаро теннис мутахассиси иштирокида матбуот анжумани бўлиб ўтди. Унда болалар ва ўсмирлар теннисини ривожлантириш, ёш теннисчиларни тайёрлаш, мураббийлар малакасини ошириш ҳамда замонавий ўқитиш усуллари ҳақида сўз юритилди.
Матбуот анжумани доирасида Майк Баррелл ва Ўзбекистон теннис федерацияси ўртасида теннисни ривожлантириш бўйича ҳамкорлик меморандуми имзоланди.
