«Атлетико» Дэвидни «Ювентус»дан сотиб олишни режалаштирмоқда

«Атлетико» клуби ҳужумчи Жонатан Дэвидни «Ювентус»дан тўлиқ трансфер қилиш имкониятини кўриб чиқмоқда. Бу ҳақда журналист Экрем Конур хабар берди.

Манба маълумотларига кўра, мадридликлар клубда канадалик футболчини бутунлай сотиб олиш масаласини муҳокама қилишни бошлашган. Таъкидланишича, трансфер қиймати тахминан 25 миллион еврони ташкил қилиши мумкин. Тўлов эса тўрт йил давомида амалга оширилиши режалаштирилган.

Айни пайтда «Атлетико» Дэвиднинг маошининг тахминан 60 фоизини қопламоқда, қолган қисмини эса «Ювентус» тўлаб бермоқда. «Матрасчилар» якуний қарорни яқин вақт ичида қабул қилиши кутилмоқда.

Жорий мавсумда 26 ёшли Дэвид «Атлетико» сафида 8 та учрашувда майдонга тушиб, 3 та гол урди ва 2 та голли узатмани амалга оширди.

Розикжон Султонмуродов

Журналист

0 0 0 0 0 0