Керрик ва Кунья ўртасида жанжал юз берди
«Манчестер Юнайтед» бош мураббийи Майкл Керрик ва ҳужумчи Матеус Кунья ўртасида Чемпионлар лигаси умумий босқичининг 3-туридан ўрин олган «Комо»га (1:4) қарши кечган ўйин танаффусида кескин жанжал юз берди. Бу ҳақда «қизил иблислар» тўғрисидаги янгиликларни ёритувчи Sully хабар берди.
Манбага кўра, англиялик мутахассис бразилиялик футболчининг ўйинидан норози бўлган ва улар кийиниш хонасида бир-бирига кескин гаплар айтган. Кунья танаффус пайтида захирага олинганидан қаттиқ ғазабланган ва буни бош мураббийга очиқ билдирган.
Шунингдек, ўйин якунланганидан кейин ҳам жамоадаги муҳит ўта кескин бўлгани таъкидланмоқда.
27 ёшли футболчи 2025 йил ёзидан буён «Манчестер Юнайтед» сафида тўп тепмоқда. У бу мавсумда барча мусобақаларда 11 та баҳсда иштирок этиб, 2 та гол ва 3 та голли узатмани ўз ҳисобига ёздириб қўйди.
