Вербрюгген: «Чемпионлик ҳақида гапиришга эрта»
"Брайтон" 19 очко билан АПЛ турнир жадвалида 3-ўринни эгаллаб турибди.
Футбол
Фото: Getty Images
"Брайтон" дарвозабони Барт Вербрюгген АПЛнинг 9-турида "Манчестер Сити" устидан қозонилган ғалабадан (1:0) сўнг жамоасининг чемпионлик имкониятлари ҳақида фикр билдирди.
"Ҳозирча атиги тўққизта тур ўтказдик, шунинг учун чемпионлик ҳақида гапиришга эрта. Ҳар бир ўйинга алоҳида ёндашамиз. Олдинда ҳали кўп учрашувлар бор.
Бизни фақат натижалар эмас, кўрсатаётган футболимиз ҳам қувонтирмоқда. Ўйин услубимизни ривожлантиришимиз ва голли вазиятлардан янада самарали фойдаланишимиз керак. Шунда катта натижаларга эришишимиз мумкин", — деди Вербрюгген.
"Брайтон" 19 очко билан АПЛ турнир жадвалида 3-ўринни эгаллаб турибди. Жамоа ўтган мавсумни 8-поғонада якунлаган эди.
