Veron Argentinaning eng kuchli klubini aytdi

«Estudiantes» prezidenti Xuan Sebastyan Veron Argentina futbolidagi eng kuchli jamoa sifatida «Boka Xuniors»ni eʼtirof etdi.

Bu borada o‘z fikrini bildirgan sobiq futbolchi Buenos-Ayres klubining barqarorligi va doimiy ravishda yuqori saviyada o‘yin ko‘rsata olishini alohida taʼkidladi.

«Mening fikrimcha, barqarorligi va doimiyligi tufayli «Boka Xuniors» Argentinadagi eng yaxshi jamoa hisoblanadi», — deya Veronning so‘zlarini keltirmoqda DerbyDerbyDerby nashri.

Qayd etish joiz, «Boka Xuniors» Veron rahbarlik qilayotgan «Estudiantes»ning tarixiy raqiblaridan biri hisoblanadi. Veron futbolchilik faoliyati davomida «Manchester Yunayted», «Inter» va «Latsio» kabi mashhur klublarda to‘p surgan. U 2017-yilda professional faoliyatini yakunlagan.

Roziqjon Sultonmurodov

Jurnalist

0 0 0 0 0 0