“Рома” Чемпионлар лигаси тарихидаги энг аламли антирекордлардан бирини ўрнатди
Италиянинг “Рома” клуби Чемпионлар лигасида кутилмаган антирекорд қайд этди. Римликлар бир мавсумнинг ўзида икки бор икки гол фарқи билан олдинда бориб, якунда мағлуб бўлган тарихдаги илк жамоага айланди. Бу ҳақда IFFHS 4 ноябрь куни хабар берди.
Манбага кўра, “Рома” аввал “Реал Мадрид”га қарши баҳсда 3:1 ҳисобида олдинга чиқиб олган, аммо якунда 3:4 ҳисобида мағлуб бўлган. Худди шундай ҳолат “Манчестер Юнайтед”га қарши учрашувда ҳам такрорланган.
Римликлар Манчестерда дастлабки 17 дақиқада иккита гол уришган. Бироқ мезбонлар Бруну Фернандеш ва Матеус Куньянинг голлари эвазига ҳисобни ўзгартириб, 3:2 ҳисобида ғалаба қозонган.
Маълумот учун, “Рома” айни мавсумда Чемпионлар лигасида икки марта икки голлик устунликни бой бериб, ҳар иккала учрашувда мағлубиятга учраган.
