61 ёшли собиқ жаҳон чемпиони яна нокаут билан ғалаба қозонди
Профессионал бокснинг собиқ жаҳон чемпиони Оливер Макколл 61 ёшида ҳам рингдаги фаолиятини давом эттирмоқда. Америкалик боксчи навбатдаги жангда ўзидан етти ёш кичик рақибини муддатидан олдин мағлуб этди. Бу ҳақда talkSPORT нашри 4 ноябрь куни хабар берди.
Манбага кўра, Макколл 54 ёшли Жеремиаҳ Уильямсга қарши олти раундга мўлжалланган жангда иштирок этган. Бешинчи раундда Уильямснинг кўзи устидаги жароҳат жиддийлашгани сабаб ҳакам беллашувни тўхтатган.
Макколл 1994 йилда Леннокс Льюисни иккинчи раундда нокаутга учратиб, WBC чемпионлик камарини қўлга киритган эди. Орадан 32 йил ўтган бўлса-да, у профессионал рингда жанг қилишда давом этмоқда.
Маълумот учун, Оливер Макколл фаолиятидаги 77-жангда 62-ғалабасини қўлга киритди. У профессионал боксдаги дебютини 1985 йилда ўтказган.
