Френки де Йонг «Барселона» тарихига кирди! Бундай натижага ҳеч бир нидерландиялик эришмаган
Нидерландиялик футболчи клуб сафида 300 та учрашув ўтказган илк ватандошига айланди.
Футбол
Фото: Getty Images
«Барселона» ярим ҳимоячиси Френки де Йонг каталонияликлар сафида тарихий натижани қайд этди. Нидерландиялик футболчи клуб сафида 300 та учрашув ўтказган илк ватандошига айланди. Бу ҳақда «Барселона» расмий сайти хабар бермоқда.
Манбага кўра, де Йонг Чемпионлар лигасида «Астон Вилла»га қарши баҳсда майдонга тушиб, ушбу маррани забт этган. У учрашувнинг 70-дақиқасида Педрининг ўрнига захирадан ўйинга қўшилган.
Футболчи бу натижа орқали «Барселона»нинг собиқ юлдузлари Филипп Коку ва Роналд Куман каби нидерландиялик футболчиларни ортда қолдирди. Клуб унинг ютуғини махсус 300 рақамли футболка билан нишонлади.
Маълумот учун, де Йонг 2019 йилда «Аякс»дан «Барселона»га кўчиб ўтган. У каталонияликлар сафидаги 300 та учрашувда 20 та гол урган.
