Жейк Пол навбатдаги жангда мағлуб бўлса, боксни бутунлай тарк этишини айтди
Америкалик блогер ва профессионал боксчи Жейк Пол навбатдаги жанги фаолиятидаги сўнгги беллашувга айланиши мумкинлигини маълум қилди. У Седрик Думбени мағлуб эта олмаса, профессионал боксдаги иштирокини якунлашга ваъда берди. Бу ҳақда Reuters агентлиги 4 ноябрь куни хабар берди.
Манбага кўра, Пол ва Думбе 24 декабрь куни Дубайда саккиз раундлик жанг ўтказади. Америкалик боксчи бу сафар кикбоксингда катта тажрибага эга рақибга қарши рингга кўтарилади.
Жейк Пол охирги марта 2025 йил декабрида Энтони Жошуага қарши жанг қилган ва олтинчи раундда нокаутга учраган. Ушбу мағлубиятдан кейин унинг жағи синган ва бир нечта жарроҳлик амалиёти ўтказилган.
Маълумот учун, 29 ёшли Полнинг профессионал боксдаги рекорди 12 та ғалаба ва 2 та мағлубиятдан иборат. Думбе эса кикбоксингда 75 та ғалабага эришган.
