Лиам Делап “Челси”га ўтишга яқин турибди
ФОТО: Getty Images
Англиянинг “Ипсвич” клуби ҳужумчиси Лиам Делап фаолиятини “Челси”да давом эттиришга яқин турибди. Бу ҳақда журналист Девид Орнштейн хабар бермоқда.
Манбага кўра, Делап у билан шартнома имзоламоқчи бўлган бошқа жамоаларга рад жавобини берган.
Қайд этилишича, клуб ва футболчи ўртасида шахсий келишувга эришилган. “Челси” Делап учун 30 миллион фунт стерлинг товон пули тўлаши керак бўлади.
Аввалроқ ҳужумчига “Манчестер Юнайтед” ҳам жиддий қизиқиш билдираётгани ҳақида хабарлар тарқалганди.
Маълумот учун, Лиам Делап жорий мавсум 40 та ўйинда майдонга тушиб, 12 та гол урди ва 2 та голли узатмани амалга оширди. Унинг Transfermarkt'даги нархи 35 миллион еврога баҳоланмоқда.
Насрулло Каримов
Журналист
