«Арсенал»нинг АПЛда чемпион бўлиш имконияти 68 фоиздан ошди
Англия Премьер-лигасининг тўққизинчи туридаги деярли барча учрашувлар якунланди. Тур натижаларидан сўнг Opta суперкомпьютери чемпионлик учун курашаётган жамоаларнинг имкониятларини қайта ҳисоблаб чиқди.
Ҳисоб-китобларга кўра, чемпионлик учун асосий даъвогар сифатида Лондоннинг «Арсенал» клуби кўрилмоқда. «Ливерпуль» устидан сафарда 1:0 ҳисобида қозонилган ғалабадан кейин «канонирлар»нинг чемпион бўлиш эҳтимоли 68,2 фоизга етди.
Иккинчи ўринда «Манчестер Сити» жойлашган. Энцо Мареска шогирдларининг чемпионлик имконияти 18,9 фоизга баҳоланган. Кучли учликни эса 6,9 фоизлик кўрсаткич билан «Брайтон» якунлаб турибди.
Кучли бешликдан, шунингдек, «Ливерпуль» (3,1 фоиз) ва Лондоннинг «Челси» (1,4 фоиз) клублари ҳам ўрин олган.
Айни пайтда «Арсенал» 24 очко билан АПЛ турнир жадвалида пешқадамлик қилмоқда. Унинг энг яқин таъқибчиси уч очкога ортда қолган.
