«Челси» Фермин Лопес учун 100 млн евродан кўпроқ бўлган таклиф тайёрламоқда
Лопеснинг каталонияликлар билан амалдаги шартномаси 2031 йилнинг ёзига қадар мўлжалланган.
Футбол
Фото: Getty Images
«Челси» ўз таркибига «Барселона» яримҳимоячиси Фермин Лопесни қўшиб олишга яна бир бор уриниб кўрмоқчи. Бу ҳақда El Nacional нашри хабар берди.
Маълум қилинишича, ёзги трансфер ойнасидаги муваффақиятсиз уринишдан кейин Лондон клуби испаниялик футболчи номзодига қайтиш ва 100 миллион евродан кўпроқ бўлган таклиф тайёрлашни режалаштирмоқда.
Бундай катта сумма каталонияликлар раҳбариятини мураккаб танлов қаршисида қолдириши мумкин. Бироқ бунинг ўзи клуб музокараларни бошлашга рози бўлишини англатмайди. «Барселона» футболчини сақлаб қолишдан манфаатдор ва уни жамоадан кетказишни истамаяпти.
