“Бавария” бош мураббийи Винсент Компани ҳушидан кетиб, шифохонага ётқизилди
“Бавария” бош мураббийи Винсент Компани 23 октябрь куни клубнинг захира жамоаси машғулотини кузатаётган вақтида ҳушидан кетди. Белгиялик мутахассис шундан сўнг шифохонага олиб кетилди. Бу ҳақда Reuters агентлиги хабар бермоқда.
Манбага кўра, Компани сўнгги кунларда вирусли касалликдан азият чеккан ва айрим машғулотларда иштирок этмаган. Мураббий ҳозирда шифокорлар назорати остида бўлиб, унинг саломатлиги юзасидан кенг қамровли текширувлар ўтказилмоқда.
Мюнхен клуби раҳбарияти мутахассиснинг соғлиғи биринчи ўринда эканини таъкидлади. Спорт ишлари бўйича директорлар кенгаши аъзоси Макс Эберл Компанига тикланиши учун барча зарур шароитлар яратилишини билдирди. Унинг йўқлигида жамоа машғулотлари ва учрашувларга тайёргарлик жараёнини мураббийлар штаби бошқаради.
Маълумот учун, “Бавария”нинг навбатдаги учрашуви 25 октябрь куни Бундеслига доирасида “Фрайбург”га қарши бўлиб ўтиши режалаштирилган. Компани мазкур баҳсда иштирок этиши ҳозирча номаълум.
