“Челси” дарвозабони Эмилиано Мартинес бир неча ҳафта майдонга туша олмайди
Лондоннинг “Челси” клуби дарвозабони Эмилиано Мартинес жағ суяги сингани сабаб жарроҳлик амалиётини бошдан кечирди. Аргентиналик футболчи бир неча ҳафта давомида жамоасига ёрдам бера олмайди. Бу ҳақда Sports Illustrated нашри хабар бермоқда.
Манбага кўра, Мартинес Англия Премьер-лигаси доирасида “Эвертон”га қарши учрашувда рақиб ҳимоячиси Жаррад Брантуэйт билан тўқнашиб кетган. Мазкур вазиятда посбон бошидан жароҳат олган ва шифохонага олиб борилган. Тиббий текширувлар унинг жағ суяги синганини кўрсатган.
“Челси” бош мураббийи Хаби Алонсо дарвозабоннинг операцияси муваффақиятли ўтганини ва соғлиғи яхшиланаётганини маълум қилди. Мутахассис Мартинеснинг сафга қайтиши учун бир неча ҳафта талаб этилишини билдирди. Аргентиналик посбон йўқлигида жамоа дарвозасини 21 ёшли Майк Пендерс қўриқлаши кутилмоқда.
Маълумот учун, “Челси” “Эвертон”га қарши учрашувда 2:0 ҳисобида ғалаба қозонган. Мартинес мазкур баҳсда олган жароҳати сабаб ўйинни давом эттира олмаган.
